உலகக் கற்பனை மற்றும் புதுமை நாள்

உலகக் கற்பனை மற்றும் புதுமை நாள்(World Creativity and Innovation Day – WCID) ஒவ்வொரு வருடமும் ஏப்ரல் 21ஆம் திகதி அனுசரிக்கப்படுகிறது. இது உலக சவால்களை சமாளிப்பதற்காக கற்பனை மற்றும் புதுமையின் முக்கியத்துவத்தை புரிந்துகொள்ளும் நாளாக ஐக்கிய நாடுகள் அமைப்புகளால் (UN) அங்கீகரிக்கப்பட்டது. இந்த நாள், தனிநபர்கள், சமூகங்கள் மற்றும் நிறுவனங்கள் தங்களின் சிந்தனைகளையும் படைப்பாற்றலையும் சமுதாய நலனுக்காக பயன்படுத்த ஊக்குவிக்கிறது.

கற்பனை என்பது கலைகளுக்கே ஒதுக்கப்பட்ட ஒன்றல்ல. அது அறிவியல், தொழில்நுட்பம், கல்வி மற்றும் வணிகத் துறைகளிலும் முக்கியப் பங்கு வகிக்கிறது. புதுமை, புதிய யோசனைகள் மற்றும் தீர்வுகளின் மூலம், வறுமை, காலநிலை மாற்றம், சமத்துவக் குறைபாடு போன்ற பிரச்சினைகளை தீர்க்க உதவுகிறது. இது சமுதாய வளர்ச்சிக்கும், கல்வி மேம்பாட்டுக்கும், சுற்றுச்சூழல் பாதுகாப்புக்கும் வழிவகுக்கிறது.படைப்பாற்றலும் புதுமையும் கொண்டாடப்படவேண்டியதென்ற எண்ணம், ஐ.நா ஒப்புதலுக்குப் பல ஆண்டுகளுக்கு முன்னரே தோன்றியது. மார்சி சீகல் என்ற கனடிய படைப்பாற்றல் நிபுணர், 2002 ஆம் ஆண்டு முதன்முதலாக இந்த நாளை முன்னெடுத்தார். அவரின் நோக்கம், உலகமெங்கும் உள்ள மக்கள் தங்கள் படைப்பாற்றலை உணர்ந்து, அதனை மக்களளவில் பயனாக்கும் முயற்சி செய்ய வேண்டும் என்பதே.

இதன் முக்கியத்துவத்தை உணர்ந்த ஐக்கிய நாடுகள், 2017 இல் ஏப்ரல் 27-இல் மேற்கொண்ட தீர்மானம் மூலம், ஏப்ரல் 21 ஐ உலக படைப்பாற்றல் மற்றும் புதுமை தினமாக அறிவித்தது. இது மூலபூமி தினத்துக்கு (April 22) முன் நாளாக உள்ளதால், சுற்றுச்சூழல் மற்றும் நிலையான வளர்ச்சியுடன் நேரடியாக தொடர்புடையதாகும்.
இந்த நாள், ஒவ்வொருவருக்கும் தனித்துவமான சிந்தனைகள் உருவாக்கும் திறன் இருப்பதை நினைவூட்டுகிறது. சிறிய மாற்றங்களைக் கொண்டு பெரிய மாற்றங்களை உருவாக்க முடியும். இது மாணவர்களை தங்கள் திறமைகளை ஆராய்வதற்கும், சமூகத்தில் புதிய யோசனைகளை வரவேற்கும் மனப்பாங்கை உருவாக்கவும் உதவுகிறது.

கல்வி நிலையங்கள், நிறுவனங்கள் மற்றும் சமூகங்கள் இந்த நாளைத் தரமான பயிற்சிகள், போட்டிகள் மற்றும் புதுமைச் சவால்கள் மூலம் கொண்டாடலாம். இது புதிய யோசனைகளை ஊக்குவித்து, நல்ல மாற்றங்களை உருவாக்க உதவுகிறது.படைப்பாற்றலும் புதுமையும் என்றால் என்ன?
படைப்பாற்றல் என்பது புதிய மற்றும் தனித்துவமான எண்ணங்களை உருவாக்கும் திறன். இது கற்பனை, ஆர்வம் மற்றும் வழக்கமான வரம்புகளை மீறிச் சிந்திக்கக் கூடிய தன்மையாகும்.
புதுமை என்பது அந்த எண்ணங்களை நடைமுறைமயமாக்கும் செயல்முறையாகும். இது புதிய தயாரிப்புகள், சேவைகள், திட்டங்கள் அல்லது கொள்கைகளை உருவாக்குவதற்கான நடைமுறை செயலாக இருக்கலாம்.

ஒரு எண்ணம் கற்பனை மூலம் பிறக்கிறது, ஆனால் அதனை செயலாக்கும் திறனே புதுமையாகும்.

முக்கியத்துவம்
இந்த நாள் ஒவ்வொருவரையும் தங்களுடைய கற்பனையை வெளிப்படுத்த ஊக்குவிக்கிறது. மாணவர்கள் மற்றும் இளைஞர்களுக்கு, அவர்கள் மாற்றத்தை உருவாக்கும் சக்தியுள்ளவர்கள் என்ற நம்பிக்கையை உருவாக்குகிறது.சுற்றுச்சூழல் பாதிப்பு, வறுமை, சமத்துவக் குறைபாடுகள் மற்றும் சுகாதார பிரச்சனைகள் போன்றவை புதிய தீர்வுகளை தேவைப்படுத்துகின்றன. படைப்பாற்றல் அவற்றை புதிய கோணங்களில் பார்ப்பதற்கான திறனை வழங்குகிறது. புதுமை என்பது வளர்ச்சியின் ஊக்கியாகும். படைப்பாற்றலால் இயங்கும் துறைகள் (கலை, திரைப்படம், மென்பொருள், ஊடகம்) உலகளவில் பெரும் பணத்தை ஈட்டுகின்றன.படைப்பாற்றல் எந்த ஒரு மொழி, கலாசாரம், தரம் என்பவற்றால் கட்டுப்படுத்தப்படுவதில்லை. இது அனைவருக்கும் சமமாக உள்ள ஒரு சக்தியாக உள்ளது.

இந்த நாளை எப்படி கொண்டாடலாம்?
● · புதிய யோசனைகள் போட்டிகள்: பள்ளிகள் மற்றும் நிறுவனங்களில் நிகழ்ச்சிகள்.
● · வேலைப்பாடுகள், கருத்தரங்குகள்: படைப்பாற்றலின் பயன்பாட்டை பற்றி பேச.
● · கலை நிகழ்ச்சிகள்: சமூக சிக்கல்களை எடுத்துரைக்கும் கலை நிகழ்ச்சிகள்.
● · சமூக ஊடகங்களைப் பயன்படுத்தல்: உங்கள் எண்ணங்களை மற்றவர்களுடன் பகிர்ந்துகொள்வது.
● சமூகத் திட்டங்கள்: வனக்காட்சி, சுத்தம், மரநடுகை போன்ற திட்டங்களை சிந்தனையுடன் நடைமுறைப்படுத்தல்.

முடிவுரை
உலக படைப்பாற்றல் மற்றும் புதுமை தினம் என்பது ஒரு நினைவூட்டல் மட்டுமல்ல, ஒரு உலகளாவிய அழைப்பாகும். இன்றைய மாற்றம் நிறைந்த உலகில், படைப்பாற்றலே நமக்கு வழிகாட்டியாகவும், நம்பிக்கையாகவும் உள்ளது. ஒவ்வொருவரும், தங்கள் எண்ணங்களால் ஒரு மாற்றத்தை உருவாக்கக்கூடியவர்கள் என்பதை உணர்வது இந்த நாளின் மையக் கருத்தாகும்.எந்தத் துறையிலாக இருந்தாலும், உங்கள் சிந்தனைகளுக்கு மதிப்பு உண்டு. உங்கள் படைப்பாற்றலை வெளிக்கொண்டு வாருங்கள், உலகை சிறப்பாக மாற்றுங்கள்!.

Written By: –

Rtr. Shara Lahir
(Junior Blog Team Member 2024-25)

Edited By: –

Rtr. Quency Kananathan
(Junior Blog Team Member 2024-25)