නෙල්සන් මැන්ඩෙලා ජාත්යන්තර දිනය වාර්ෂිකව ජූලි 18 වන දින සමරනු ලබන අතර, එය ලෝකයේ වඩාත්ම ගෞරවනීය නායකයෙකු අනුස්මරණය කිරීමේ දිනයක් ලෙස වෙන්ව පවතී. මෙම දිනයේදී නෙල්සන් මැන්ඩෙලාගේ ජීවිතය සැමරීම පමණක් නොව, පුද්ගලයන්ට, සමාජයට සහ ලෝකය තුළ ධනාත්මක බලපෑමක් ඇති කිරීමට ක්රියා කිරීම සඳහා වූ ගෝලීය ඇමතුමකි. නෙල්සන් මැන්ඩෙලා “මඩිබා” යන ආදරණීය ආමන්ත්රණයෙන් හඳුන්වනු ලබන අතර, දකුණු අප්රිකාවේ වර්ණභේදවාදයට එරෙහි සටනට තම ජීවිතය කැප කළ, එමෙන්ම මානව හිමිකම්, සමානාත්මතාවය සහ සංහිඳියාව වෙනුවෙන් පෙනී සිටි ආදර්ශමත් චරිතයකි. යුක්තිය සහ සාමය සඳහා වූ ඔහුගේ නොසැලෙන කැපවීම නිසාවෙන් ඔහු ලොව පුරා ප්රශංසාව සහ ගෞරවයට පාත්ර වූයේය. වසර 27 ක සිරගතව සිටීමේ පටන් ඔහුගේ ජනාධිපති ධූරය දක්වා, මැන්ඩෙලා නිදහස කරා දිගු ගමනක් ආ අතර බාධක තුළින් නිර්මාණය වූ ශ්රේෂ්ඨ මානවයා ඔහු තුළින් පිළිබිඹු විය.මැන්ඩෙලාගේ උපන්දිනය ඔහුගේ ජයග්රහණවලට ගෞරව කිරීම සහ ඔහුගේ සාරධර්ම ප්රවර්ධනය කිරීමේ දිනයක් ලෙස සනිටුහන් කරමින් එක්සත් ජාතීන්ගේ සංවිධානය විසින් 2009 වසරේ ජූලි 18 වන දින නෙල්සන් මැන්ඩෙලා ජාත්යන්තර දිනය ලෙස නිල වශයෙන් ප්රකාශයට පත් කළේය. මැන්ඩෙලා සිය ජීවිත කාලය පුරාවටම සිදුකළ සත්ක්රියා මෙන් ලෝකයද යහපත් අතට හැරවීමට උපකාර කිරීමට පුද්ගලයන් පෙලඹවීම මෙම දිනයේ අරමුණයි. මැන්ඩෙලා දිනය අනුස්මරණයට කේන්ද්රීය වන්නේ උබුන්ටු සංකල්පය වන අතර එය මනුෂ්යත්වය සහ අන්තර් සම්බන්ධතා අවධාරණය කරන අප්රිකානු දර්ශනයකි. මැන්ඩෙලා ප්රසිද්ධියේ කියා සිටියේ, “ජීවිතයේ වැදගත්කම අප ජීවත් වූ පමණින් තීරණය නොවන අතර අප ගත කරන ජීවිතයේ වැදගත්කම තීරණය කරන්නේ අන් අයගේ ජීවිතවලට අප කර ඇති වෙනසයි.” මෙම දර්ශනය වඩාත් සාධාරණ සමාජයක් ගොඩනැගීමේදී සංවේදනය, දයාව සහ සාමූහික වගකීමේ වැදගත්කම පෙන්නුම් කරයි.
මැන්ඩෙලා දිනයේ දී, ලොව පුරා සිටින මිනිසුන් හට ඔවුන්ගේ කාලයෙන් විනාඩි 67 ක් කැප කිරීමට දිරිගන්වනු ලැබේ – එය මැන්ඩෙලා රාජ්ය සේවයට කැප කළ වසර 67 සංකේතවත් කරයි. ස්වේච්ඡා සේවය, ප්රජා සේවය සහ වෙනත් කරුණාවන්ත ක්රියා මෙහි ඇතුළත් වේ. මෙම ක්රියාවන් කුසගින්නෙන් පෙළෙන අයට ආහාර දීම, අසල්වැසි ප්රදේශ පිරිසිදු කිරීම, වැඩිහිටියන් බැලීමට යාම, සමාජ සාධාරණත්වය වෙනුවෙන් පෙනී සිටීම දක්වා පරාසයක පැතිරී ඇත්. මැන්ඩෙලා දිනයේ බලපෑම එක දිනකින් ඔබ්බට විහිදේ. එය දිළිඳුකම, අසමානතාවය සහ අයුක්තිය පිළිබඳව කතා කිරීම සඳහා උත්ප්රේරකයක් ලෙස ක්රියා කරයි. සාමූහිකව විශාල වෙනසක් ඇති කරන කුඩා ක්රියාමාර්ග ගැනීමට මිනිසුන් බලගැන්වීමෙන්, මැන්ඩෙලා දිනය සහයෝගීතාව සහ ගෝලීය පුරවැසිභාවය පිළිබඳ හැඟීම ප්රවර්ධනය කරයි. දරිද්රතාවය, අසමානතාවය සහ පාරිසරික පරිහානිය වැනි අභියෝග පවතින වර්තමාන ලෝකයේ, මැන්ඩෙලාගේ පණිවිඩය ඉතාමත් අදාළ වේ. මැන්ඩෙලා දිනය අපට මතක් කර දෙන්නේ පොදු අරමුණක් සඳහා පුද්ගලයන් එක් වී සැමට යහපත් අනාගතයක් ගොඩනඟා ගැනීමට උත්සාහ කරන විට ධනාත්මක වෙනසක් සිදු කළ හැකි බවයි.
අපි නෙල්සන් මැන්ඩෙලා ජාත්යන්තර දිනය සමරන විට, මැන්ඩෙලාගේ අසාමාන්ය ජීවිතය සහ උරුමය ගැන මෙනෙහි කරන්නෙමු. ඔහුගේ සාමය, සමාව දීම සහ වටිනාකම් ආරක්ෂා කිරීමට අපි පෙලඹෙමු. එකමුතුව, සේවයේ සහ දයානුකම්පාවේ ක්රියාවන් තුළින්, අපට මැන්ඩෙලාට ගරු කළ හැකි අතර සෑම කෙනෙකුටම ගෞරවයෙන් හා සමානාත්මතාවයෙන් ජීවත් විය හැකි ලෝකයක් නිර්මාණය කළ හැකිය. නෙල්සන් මැන්ඩෙලාගේම වචනවලින් කියනවා නම්, “ජීවත් වන සියල්ලන්ට වඩා හොඳ ලෝකයක් නිර්මාණය කිරීම ඇත්තේ ඔබේ අතේ ය.”
Written By: –
Rtr. Fathima Azma
(Blog Team Member 2024-25)
Edited By: –
Rtr. Pamodi Hewawasam
(Blog Team Member 2024-25)